أهلاً بيكم فى الموقع الرسمى لدفعة ميكا 2014
والموقع المُكمل لنشاطنا على جروب الفيس بوك
MECA 2014 Alex. Univ
تعريف موجز عن الدفعة للناس اللى مش معانا
إحنا دفعة سنة أولى قسم ميكانيكا هندسة أسكندرية - والحمد لله- الدفعة من أكتر الدفعات نشاط وتعاون وكل الناس بتقدم حاجات جديدة ومبتكرة عشان كده عملنا الموقع ده والموقع ده مكمل لنشاط الدفعة على الفيس بوك وغيره وإن شاء الله كل محاضرات القسم هتبقى موجود على الموقع وكل جديد يخص الكلية هيكون موجود على الموقع وبنرحب بأى حد ممكن يستفيد من أى نشاط بنقدمه و حقوق النشر محفوظة وأى ملف تحمله وكان ليه باسورد هيكون الباسورد بتاعه meca2014
نبذه عن الـــمــوقـــع ومحتوياته
زى ما قولتلكم قبل كده إن الموقع ده عبارة عن شىء مُكمل لنشاطنا على جروب الفيس بوك عشان كده كنت حريص جداً وأنا بصمم الموقع إنه يكون شبه الفيس بوك تسهيل على الناس فى التعامل مع الموقع تقدروا تعملوا تعليقات على المواضيع بنفس الأكونت بتاع الفيس بوك وده طبعا تسهيل على الناس بدل ما نخليهم يشتركوا معانا فى الموقع وعشان كلنا نبقى عارفين تعليقات بعض من خلال حساب الفيس بوك الفيس بوك عشان كده هنخلى هنا كل حاجة عايزينها مفيدة عايزينها تفضل ثابتة معانا تحت أى ظرف ومن أهم الحاجات دى اللى حاضره فى بالى دلوقتى :-
* محاضرات الدفعة
(إن شاء الله المحاضرات اللى بنرفعها كلها على الجروب هيتم تنظيمها وعرضها بشكل أفضل على الموقع) * بعض الكورسات المهمة
( كل حاجة نقدر نوصلها وتكون مفيدة لينا فى مجال دراستنا وفى مجال عملنا مستقبلاً إن شاء الله)
*أهم البرامج الهندسية
( أى برنامج مفيد لينا فى مجالنا سواء كان برنامج رسم أو ديزاين او معادلات زى الاوتو كاد و السوليد ورك و الماتلاب)
*أى شىء ليه علاقة بالكلية
(أى نتيجة أعمال سنة تظهر إن شاء الله أو نتيجة إمتحان هيتم وضعها فى الموقع)ملحوظة :- عمليات الإضافة والكتابة على الموقع غير مقصورة على أى شخصٍ ما وإن كان لا يستطيع إضافة المواضيع كل الناس لكن من حق أى شخص شايف إنه قادر يفيد الناس بمواضيع معينة يعلن رغبته وسيتم إضافة أى شىء فى صالح الدفعة . أيضا عمليات إضافة المواضيع مستمرة إلى ما شاء الله لذلك لا تترد فى نشر أى شىء فيه نفع للناس.
-في حالة توقف (facebook) عن العمل لأي سبب ما , سنقوم بنشر أخر الأخبار المتعلقة بالدراسة هنا-
وسيتم إرسال الرسائل على جروب !Yahoo
إذا كنت لم تقم بالإشتراك فى جروب Yahoo
قم بالاشتراك الآن
(سيتم قبول فقط من ينتمى للدفعة و قام بإدخال أيميل على الياهو فى استمارة الجروب)
فى حالة وجود أى استفسارات أو اقتراحات بخصوص الموقع ؛ أو لو عندك موضوع معين شايف إنه هيفيد الناس وعايز تكتب على الموقع ؛ أو فى حالة رغبتك بنقل أحد مواضيع الموقع ؛ أبعت رسالة فيس بوك او تقدر تبعت رسالة على الايميل ده
Ma7moud_2@yahoo.com
وبالتوفيق للكل إن شاء الله
